தென்றல்

அலைகள் ஒய்வதில்லை

2011-09-21T05:52:00.000-07:00

கண்டும்
காணாது
நீ செல்ல
ஒவ்வொரு
நாளும்
பிறந்து
நிற்கிறேன்
உனக்காக

முடியழகை
பார்த்து
நிற்ப்பாய்
என சீவி ஒருநாள்
மறு நாள்
சீவாமல்

மீசையிலே
ஆசை வைப்பாய் என
விண்ணை பார்த்து
ஒரு நாள்
மண்ணை பார்த்து
மறு நாள்

சட்டையை
சட்டை
செய்வாய் என்று
தேய்த்து
ஒருநாள்
தேய்க்காமல்
கசங்கி
மறு நாள்

நீ வரும்
பஸ்ஸில்
பேச்சிலே
வசப்படுவாய்
என பட்டிமன்ற
பேச்சாளாராய்
ஒரு நாள்
மறு நாள்
ஊமையாய்

வேட்டி
பிடிக்கும்
என்று
விவசாயியாய்
ஒரு நாள்
சாப்ட்வேர்
என்ஜினியராய்
மறுநாள்

இத்தனை
செய்தும்
தெரிந்து
கொள்வேன்
கவனமாக
உனக்கு
எது பிடிக்கும்
என்று

எதனை
செய்தால்
பிடிக்கும்
என்று சொல்லிவிடு
என்னவளே
என்னை
பிடிக்கும் என்று

கடல் நீர்
தீர்ந்து போகும்
கண் விழியே
என்றும்
தீராது உன் மேல்
என் காதல்
அலைகள்

இப்படிக்கு
- கஜினி முகம்மதுவின் அண்ணன்

காதல் பிச்சை

2011-08-20T01:28:00.000-07:00

நித்தமும்
தேடித்
திரிகிறேன்
உன்
பித்தம்
தலைக்கேறி
சத்தம்
போடாமல்

ஒருமுறை
பார்த்து விட்டாய்
நெஞ்சினிலே
நாத்து
நட்டாய்
நீரூற்றி
வருகிறேன்
அதில் நிதமும்
நீ தேரோட்டி
வருகிறாய்

எப்போதும்
சிரிப்போடு
உன் பார்வை
இது
போக்கும்

எப்போதும் என்

சோர்வை

தலை முடி

கோதி

வருடிடும்

உன் விரல்கள்

அதை

தப்பாது

கைபிடிக்கும்

என் கரங்கள்

என் மீது
பட்டு
நிலை குலையச்
செய்தது உன்
துப்பட்டா
எப்போதும்
என் இதயம்
உனக்கு
பட்டா

தாவணிக்
கனவுகள்
ஆவணியில்
பூர்த்தியாகுமா?
இல்லை
ஆழிப் பேரலையில்
கரைந்து
போகுமா?

இன்னமும்
தொடர்கிறேன்
உன்
புன் சிரிப்பாலே
என் இதயத்தில்
பெரும் பள்ளம்
உன் கண் அரிப்பாலே

காற்றுள்ள போதே
தூற்றிக் கொள்
இந்த காதலன்
சுமார் எனில்
மனதை
தேற்றிக் கொள்
எனை ஏற்றுக் கொள்...

-இப்படிக்கு
காதலியை பிச்சை பெற்றவன்

பதில் தெரியாமல் காதலிக்கிறேன்...

2011-08-10T23:49:00.000-07:00

தவமிருக்காத
வரம்
கிடைத்தது
நான் இருக்கும்
இடத்திற்க்கு
நீ வரும்
போது

நேற்றுதான்

தெரிந்தது

நான்

உனை பார்த்து

வெளியிட்ட

பெருமூச்சுதான்

ஆடிக்காற்றாம்

காய வேண்டாம்

காயமும்

வேண்டாம்

பத்திரம்

உன் இதயக்

கொடியில்

நான் போட்ட

இதயம்

விவசாயிக்கு

தெரியாமல்

நான் விதைத்த

விதைகள்

அறுவடைக்கு

ஏற்ற நாள்

பிப்ரவரி 14

நீ
என் பார்வைக்கு
வராத நாட்களை
காலண்டரில்
நாட்களாக
நான் கணக்கு
வைப்பதில்லை

மாறாத
மனம்
உனக்கு
அதை
மாற்ற துடிக்கும்
ஆறாத மனம்
எனக்கு

என்னை
பொருத்தவரை
இந்த
தூண்டிலுக்காக
ஏங்கும்
வித்யாசமான
மீன்தான்
அது நான்தான்

இந்த

காதலில்

மட்டும்

எப்போதும்

சுகப்பிரசவம்தான்

பெற்ற பிள்ளையை

ஆற்றிலா

விடுவோம்

இப்படிக்கு
- ஒரு கை ஓசையன்

முதுமலை - மைசூர் - பெங்களூர்

2011-07-07T05:14:00.000-07:00

தேனியிலிருந்து என்னுடைய பிளான் இதுதான்

Theni–Mudumalai –Mysore-Bangalore- Theni (1100 KM)

உண்மையிலே முதுமலை போகாமல் மைசூர் சென்றால் 50 கிமீ குறையும் அவ்ளோதான், அதனால்தான் முதுமலையும் சேர்த்து இழுத்துக் கொண்டோம். மேற்கண்ட சுற்றுலாவிற்க்கு 3 நாட்கள்தான், மேலும் ஒரு நாள் சேர்த்தால் ஊட்டியையும் சுற்றிவிட்டு வரலாம்(பட்ஜெட் தாங்காது என்பதால் நாங்கள் ஊட்டியை கழட்டிவிட்டோம்)

தேனி-மேட்டுப்பாளையம்-ஊட்டி வரை 300 கி.மீ, இரவு 10.30 மணிக்கு கிளம்பி காலை 7 மணிக்குள் முதுமலையை அடைய வேண்டும், அப்போதுதான் யானை சபாரி செல்ல முடியும்.அதனால் எங்களது குவாலிஸ் வண்டியில் கிளம்பினோம்.

கிளம்பியவுடன் அரட்டை தொடங்கி செம்பட்டி வரை வலுத்தது, பிறகு எல்லாரும் தூங்கி விட்டனர், நான் வண்டியை ஓட்டிக் கொண்டு டிரைவருடன் பேசிக் கொண்டே வந்தேன். எங்களது வண்டி டி போர்டு ஆகையால் தேனியிலே பெர்மிட் எடித்திருந்தோம். இரவு நேரத்தில் எதற்க்கு ரிஸ்க் என்று, ஆனால் அதற்க்கு வேலையே இல்லை என்பது வேறு விசயம்.மேட்டுப்பாளையத்தில் டீ அடித்து விட்டு ஊட்டி நோக்கி பயணமானோம், வெயில் காலம் என்பதால் ஊட்டியில் குளிர் கம்மியாகவே தெரிந்தது.

ஊட்டியை காலை 5.30 க்கு அடைந்தோம். ஏற்கனவே மசினகுடி பாதை ஆபத்தானது என்றும் கேட் 7 மணிக்குத்தான் திறப்பார்கள் என்றும் படித்திருந்தால் கூடலூர் வழியாக முதுமலை சென்று விடலாம் என நினைத்திருந்தேன்,ஆனால் ஊட்டியில் வாகனங்களில் ஆட்களை ஏற்றிக் கொண்டு மசினகுடி வழியாக ஏராளமான வாகனக்கள் சென்றது(வண்டியில் சென்றவர்கள் தேயிலை அல்லது கூலி வேலைக்கு செல்பவர்கள்) மேலும் கூடலூர் வழியே முதுமலை செல்வது 30 கிமீ அதிகம், எனவே முடிவை மாற்றி மசினகுடி வழியாக பயணித்தோம்...

பனரோமா சாட் மூலம் எடுக்கப்பட்ட படங்கள்

வண்டியை 2 கியரிலும், பிரேக்கை அழுத்திக் கொண்டே சென்றாதாலும் டயர் சூடாகி விட்டது இந்த மசினகுடி 36 கொண்டை ஊசிகள் கொண்டது, ஒரு வழியாக பாஸ் செய்து மலைப்பாதையை கடந்து நார்மல் ரோட்டிற்க்கு வந்தோம்

மான் மற்றும் மயில் பார்க்க முடிந்தது, எங்களுக்கு முன்பு ஒரு சில வண்டிகளே சென்றது, நாங்கள் லேட் என்று நினைத்தோம், உண்மையில் முதுமலையில் கூட்டம் குறைவு.

லேட்டாகி விட்டதால் யானை சபாரி முடிந்து விட்டது என்றார்கள், பிறகு அவர்கள் பாரஸ்ட் வேனில் ட்ரிப் அடித்து சில விலங்குகளை பார்த்தோம்...

நாம் முதுமலை வருகிற வழியிலே (அதிகாலை வந்தால்) சில விலங்குகளை பார்க்கலாம். பாரஸ்ட் வண்டியில் செல்வது வேஸ்ட், இதில் விலங்குகளை நாம் காண்பது நம் அதிர்ஸ்டம் என்ற போர்டு வேறு, விலங்குகளை பார்க்க முடியாமல் திரும்பும் நபர்களுக்கு வரும் வழியிலே யானை ஒன்றை கட்டிப் போட்டிருக்கிறார்கள்..
காலை சிற்றுண்டியை தமிழ்நாடு ஹோட்டலில் முடித்தோம். யானைகள் முகாமில் யானைகள் இல்லை.அங்கிருந்து கிளம்பி தமிழ்நாட்டு எல்லையை தாண்டி கர்நாடக எல்லைக்குள் நுழைந்தோம் (மைசூர் ரோடு) வழியில் தெப்பக்காட்டிலிருந்து ஹிம்மவாடு கோபலசுவாமி கோவிலுக்கு வந்தோம்

கோபால சுவாமி கோவில்
மலை மேல் இருக்கும் கோபால (பெருமாள்) கோயில் சோழ அரசனால் கட்டப்பட்டது கோவில் காலை 8.30 முதல் மாலை 5 மணி வரை, டோல்கேட் ரூ 100 (ஒரு காருக்கு) ஒரு மணி நேரம் மட்டும் அனுமதி என்றார்கள் ஆனால் மலைப் பாதையில் இது சாத்தியமில்லை நாங்க 2 மணி நேரம் கழித்துத்தான் வந்தோம் ஒன்றும் சொல்லவில்லை.

கோவில் அருமையாக இருந்தது, அங்குள்ள பூசாரி கோவிலை பற்றி அனைவருக்கும் சுருக்கமாக சொல்கிறார்

பெருமாள் கோவில் என்பதால் வெண்பொங்கல் பிரசாதமாக வழங்கப்பட்டது.
கோவிலை முடித்துக் கொண்டு அங்கிருந்து 57 கி.மீ தொலைவில் உள்ள நஞ்சுண்டேஸ்வரர் கோவிலுக்கு கிளம்பினோம்.
நஞ்சுண்டேஸ்வரர் கோவில்
நஞ்சன்குடு என்ற ஊரில் இருக்கிறது இந்த சிவன் கோவில்.
கோவில், காலை 6 மணி முதல் மதியம் 1 மணி வரை, மாலை 4 மணி முதல் இரவு 8.30 மணி வரை திறந்திருக்கும். கோவிலுக்கு அருகிலே சிவன் சிலை ஒன்று பெரிய அளவில் இருக்கிறது

தரிசனம் முடித்து மைசூர் சென்றோம், கோவிலிருந்து மைசூர் 24 கி.மீ. மைசூரில் மும்பை டிப்பன்ஸ் என்ற ஓட்டலில் தங்கினோம், நன்றாக இருந்தது, அறை வாடகையும் அதிகமில்லை, மேலும் ஒரு வாரத்திற்க்கு முன்பே போனிலே ரூம்கள் புக் செய்யப்பட்டது, ரூம் புக்கிங்கிற்க்கு எவ்வித கட்டணமில்லை.
இரண்டாவது நாள் : மைசூரை சுற்றிப்பார்ப்பது

மைசூர் விலங்குகள் காப்பகத்திற்க்கு (காலை 8.30 முதல் மாலை 5.30 வரை செவ்வாய் விடுமுறை) செல்லும் வழியில் டூர் கெய்டுகள் வேண்டுமென்றே காப்பகம் 10 மணிக்குத்தான் திறப்பார்கள் என்று டுவிஸ்ட் செய்தார்கள், நான் ஏறகனவே வெப்பில் பார்த்ததால் 8.30 மணிக்கே உள்ளே சென்று விட்டோம் காப்பாகம் சுமார் 4 கி.மீ சுற்ற வேண்டும், குட்டீஸ்களுக்கு ஆனந்தமான ஒன்று, இந்த டூர் போடக் காரணமே குட்டீஸ்கள், என் சிறு வயதிலே வீரபாண்டி திருவிழாவில் சர்க்கஸ் போடும் போதுதான் விலங்குகளை பார்த்தேன், ஆனால் இப்போதுள்ள பிள்ளைகள் டீவியில் பார்த்ததோடு சரி ஆகவே இந்த காப்பகத்தில் குட்டீஸ்களுக்குத்தான் எல்லாம்...

இவரோட சேட்ட தாங்க முடியல கேமராவுக்கு வெட்கப்பட்டு போஸ் கொடுத்தார்

காப்பகத்திற்க்கு முதியோர்கள் சுற்றி பார்க்க பேட்டரி கார் உள்ளது ஒரு நபருக்கு ரூ100, காப்பகத்தை சுற்றிப் பார்த்து விட்டு பேலஸ் சென்றோம். பிறகு மாலையில் பிருந்தாவன் சென்றோம். கூட்டம் அதிகம் எல்லோரும் நீண்ட வரிசையில் நின்று டிக்கெட் எடுத்துக் கொண்டிருந்தார்கள், வேறு வழியில்லை புரோக்கர் ஒருவரை பிடித்து டிக்கெட் வாங்கினோம்.

பார்த்து முடித்து ரூம் போய் சேர்வதுக்குள் லேட்டாகிவிட்டது. ஒட்டல் எல்லாம் மூடி விட்டார்கள், பிறகென்ன அன்றிரவு கையேந்தி பவன்தான்.

மைசூர்-பெங்களூர் பிலிம் சிட்டி

மறுநாள் காலையில் கிளம்பி ஸ்ரீரெங்கப்பட்டிணம் வழியாக பெங்களூரில் உள்ள பிலிம் சிட்டி கிளம்பினோம், இடையில் திப்பு சுல்தான் கோட்டையை பார்க்க ஆசையாக இருந்தது, ஆனால் குட்டீஸ்கள் வேணவே வேணாம் என்று வண்டியை விரட்டி சரியாக ஒபனிங் டைமுக்கு இன்னோவேட்டிவ் பிலிம் சிட்டி வந்தோம்.

இங்கு உண்மையிலே பெரியவர்களுக்கு ஒன்றிரண்டை தவிர பார்க்க ஏதுமில்லை, குட்டீஸ்களுக்கென்ற உருவாக்கப்பட்ட தனித் தீவு. அருமையாக இருந்தது. கட்டணம் பேக்கேஜ் இரண்டு வகையாக உள்ளது, ஒன்று நீர் விளையாட்டு இல்லாமல் உள்ளது ரூபாய் 299, மற்றொன்று நீர் விளையாட்டுடன் கூடியது ரூபாய் 499. நீர் விளையாட்டு வேண்டாமென்று பேசிக் பேக்கேஜில் நுழைந்தோம், இதில் பெரியவர்களுக்கு ரிப்பிலீஸ் மியூசியம், மிர்ரர் மேஸ் மற்றும் குகை போன்றவைகள் அருமை, மற்றவை எல்லாம் குட்டீஸ்களுக்கு மட்டும்தான்

ஒருநாள் போதவில்லை, இரவாகிவிட்டதால் மேற்கொண்டு பெங்களுரை சுற்றி பார்க்க டையமில்லை, அன்றிரவே தேனி திரும்பி விட்டோம், மொத்தத்தில் குழந்தைகளுக்காக டூர் செல்வதென்றால் இதுதான் சாய்ஸ்...

நீ நான் நாம்...

2011-02-08T21:22:00.000-08:00

நொடிகளில்
அடிக்கடி
விழிகளில்
நுழைந்ததால்
பிறந்தது
நமக்குள்
காதல்
மூன்றாவது
விழியாய்

நம் காதல்
விதை
போடாமல்
வளரும்
மரம்
பேசுவது
மட்டும்தான்
இதற்க்கு
உரம்

தேடாத
திகையாத
அலையாத
சிக்கனக்
காதல்
இப்போது
சிக்கென்ற
காதல்

பார்த்து
பல மாதங்கள்
பேசி சில
நாட்கள்
இதுமாதிரி
இல்லாமலும்
கிடைக்கும்
இந்த
பட்டம்-இதுதான்
நம் காதல்
சட்டம்

புதியதாய்
நம்மை
சுற்றி
இருப்பவைகளை
மறந்து
போக
நமக்கு கிடைத்த
பொன்னான
வாய்ப்பு
நம் காதல்

திடுமென
உயிர்
கூண்டுக்குள்
நுழைந்து
வாழும்
இன்னொரு
உயிர்
மனதை
பிசைகின்ற
உயிர்

இறக்கைகள்
முளைத்துவிட்ட
சந்தோசம்
ஒத்தயடி
பாதையில்
துணைக்கு
வந்த என்
காதல் தேசம்

நீ
என்பதும்
நான்
என்பதும்
நாமாகிப்
போனது - இனி
நாமாகிப்
போனது....

இப்படிக்கு
- சொக்கியவன், சிக்கியவன்,...இன்னும் பிற....!

விளையாடும் காதல்

2010-10-18T06:26:00.000-07:00

சித்ரவதைகளிலே
வேண்டி
விரும்பக்
கூடியது
இந்த
காதல்
மட்டும்தான்

பார்க்கும்
முன்பு
பல கேள்விகள்
பார்த்த
பின்பு
விழி வேள்விகள்

உன் அழகு
உனக்கு
கெபாசிட்
இதனால்
நிறைய தடவை
போனது
என் டெபாசிட்

கஜினி
படையெடுத்தான்
கொள்ளையடித்தான்
நானும்
படையெடுத்தேன்
ஆனால்
கொள்ளையடித்தாய்

உன்னை
கண்களால்
களைவாடிய
பொழுதுகள்
கதை சொல்லும்
நீ சென்ற
பிறகு
தனித்து விட்ட
அந்த நிமிடம்
கொல்லும்

கத்தியெடுத்தவனுக்கு
கத்தியாலே
சாவு
தினமும்
சாகுறேன்
உன்
விழியாலே
என் அருமை
விழியாளே

வாலிலே
பட்டாசு
வைத்த
காளை
இந்த நிலமையில்
இப்போது
என் மூளை

படிக்காமலே
உன்னிடம்
நிறைய
அரியர்ஸ்
நான் அனுப்பிய
கடிதச் சுமை
தாங்காது
திணறியது
கூரியர்ஸ்

தும்பியை
பிடிக்கும்
துறுதுறுப்பு
இந்த
அம்பியை
கண்டாலே
ஏன் வெறுப்பு

உனக்காக
பொய் சொல்வேன்
சாம்பிள் ஒன்று
உன் தங்கை
குறைவுதான்
உன் அழகில்
கால் பங்கு

-இப்படிக்கு
தூண்டில் போட்டவன்

ஆதாம் ஏவாள்

2010-10-12T20:36:00.000-07:00

மறந்து
போனார்கள்
மற்றதையெல்லாம்
கேட்டால்
இவர்கள்
காதலர்களாம்

எதை
பற்றியும்
கவலைபடாத
பற்றியதை
மற்றுமே
நினைக்கத்
தெரிந்த
நீரோக்கள்

எத்தனை
செய்வார்கள்
எதனையும்
செய்வார்கள்
ஆனால்
கண்களில்
மட்டும்
கள்ளத்தனம்

முக்காடு
போட்டு
முழு வேகம்
சென்று
பால்கனியில்
அமர்ந்து
படம் பார்க்கும்
பச்சை
காதலர்கள்

வராத
வீரம்
வந்தது
பல தரம்
காரணம்
ஜோடியின்
பார்வை
பூரணம்

கண்டுபிடிப்பதில்
தன்னை
மறப்பதும்
கண்டுபிடித்ததில்
தன்னை
கரைப்பதும்
இவர்களுக்கு
கை வந்த கலை

கை பற்றிச்
செல்கிற போது
இவர்கள்
லேசாவார்கள்
மற்றவர்களுக்கு
கனக்கும்
துடிக்கும்
வார்த்தைகள்
தடிக்கும்

பிறவிப்
பயனை
அடைந்த
ஜோடிகளாம்
முற்றிலும்
காதல்
மழையில்
நனைந்த
கோழிகளாம்

எந்த பிறவி
என்ன சொன்னாலும்
வாசலில்
அதை கழுவி
ஊற்றுவார்கள்
முறைத்தால்
பார்வையால்
கழுவில்
ஏற்றுவார்கள்

காதல்
வகுக்கப்படவில்லை
சொல்லித்தர
முடியாது
வருவது
தெரியாது
வருமுன்
காக்க முடியாது

மொத்தத்தில்
காதலர்கள்
ரசிக்க
ருசிக்க
தனித்து
விடப்பட்டதுதான்
இந்த
பூமித் தீவு

-இப்படிக்கு
நான் யாருனு தெரியாதாக்கும்...

வேறென்ன காதல்தான்!

2010-10-12T05:13:00.000-07:00

ஒரே நேரத்தில்
பனியில்
நனைந்து
தீயில் சுட்டு
நீரில் கரைந்து
காற்றில் கலந்த
உணர்வுக்
காதல்

உலகில்
எத்தனையோ
சுடிதார்கள்
யார்
உன்னை
முதலில்
பார்த்தாலும்
மடிவார்கள்

பதினெட்டு
வருடம்
கழித்துதான்
தெரிகிறது
உன்னிடம்
பேசத்தான்
என்னிடம்
உதடுகள்.
வார்த்தைகள்..
வாக்கியங்கள்...

வலி
நிறைந்த
பிரசவங்கள்
குழந்தை ஒன்றுதான்
தாயாய்
என் இதயம்
குழந்தையாய்
காதல்

என் காதல்
அவசரம்தான்
விதைகளை
தூவி விட்டு
உடனே
பூ முளைக்க
வேண்டுகிற
தேனீ போல
நான்

ரசித்து
அனுபவிக்க
அமுதத்தை
விட
பேரமுதமானது
நஞ்சை விட
கொடுமையானது
இந்தக்
காதல்

துப்பாக்கி
இல்லாத
தோட்டாக்கள்
உன்
விழிகள்-அது
தினமும்
துளைத்து
வருவது
என் கண்கள்

-இப்படிக்கு
விழியில் கோர்த்தவன்

காதல் இடைவேளை

2010-09-28T23:25:00.000-07:00

நாம்
வெறுக்கும்
நிம்மதியான
தற்காலிக
இடைவெளி
நம்
குடும்பத்திற்க்காக

ரசிக்கமுடியுமா!
விரல்களை
வெட்டிப்
போட்டுவிட்டு
டாடா
காண்பிக்கச்
சொல்கிறார்கள்

இதயங்கள்
இடம்
மாறியது
தெரிந்த
போது
தடம்
மாறியதாக
சொல்கிறார்கள்

விழிகள்
ஏற்றுக்
கொண்டு
இடியாய்
இறங்கியது
காதல் வேர்கள்
நம் இதயத்தில்

வேர்களின்
வேகத்திற்க்கு
நம் கண்ணீர்
அதை
விழ வைக்க
இப்போது
வெண்ணீர்

நொடியிலும்
நிமிடத்திலும்
தற்போது
வாழ்க்கை-
காரணம்
இறந்த காலத்தின்
நம்பிக்கை

உறவை
பிரித்தால்
தனிமை
மிஞ்சும்
காதல்
உணர்வை
பிரித்தால்
உடல்தான்
மிச்சம்

சில
நாட்களாக
அமாவசையை
அனுபவிக்கும்
நம் காதல்
மனங்கள்
ஏங்கும்
பெளர்ணமிக்காக

இந்த
கோப
விடுமுறை
முடியும் வரை
நம் காதல்
கொடி
அரைக் கம்பத்தில்
பறக்கட்டும்

இந்த
சின்ன
இடைவெளியில்
காய்ந்து
போனது
இதயம் மட்டுமல்ல
இதழ்களும்தான்...

-இப்படிக்கு
ஈர்க்கும் எதிரெதிர் துருவங்கள்

இதுமட்டும் தானா?

2010-09-19T02:58:00.000-07:00

நிறைய
சேதாரம்
இருக்காத
பின்னே
நீ திரும்பி
பார்த்த
பிறகும்

உன்
பார்வையின்
தொடர்பும்
துண்டிப்பும்
கிரகிக்கும்
என் கண்
செல்கள்

அடிக்கடி
நீ யோசிக்கும்
போது
உன் ஆட்காட்டி
விரலை
பார்த்து
நிறைய
பொறாமை

பகலிலே
தெரியும்
முழு நிலவு
விழித்தாலே
வருவது
உன்
கனவு

தூறலில்
நான்
வளைத்த
வானவில்
உன்னை
எப்போது
அடைகாத்திருப்பது
என் மனதில்

சுகமான
வேதனைகள்
குத்தும்
உன் புருவ
வில்லில்
பிறக்கும்
தரமான
பார்வை
அம்புகள்

உலகில்
எத்தனையோ
உருவங்கள்
இருந்தும்
நமக்குள்
மட்டும்
தோரணங்கள்
தெரியுமா
காரணங்கள்!!!?

-இப்படிக்கு
திரும்பிப்பார்த்ததில் தீய்க்கு இரையானவன்

ஜென்ம ஜென்மமாய்

2010-09-19T00:21:00.000-07:00

உன்னை
நினைத்து
வரையும்
வரிகள்
பேனாவிற்கு
பிரசவ
நேரங்கள்

இந்த
காதல்
மட்டும்தான்
நினைத்த
நேரத்தில்
விண்ணை
முட்ட
பற்றி நிற்க்கிறது

பற்றி
எரிகின்ற
இந்த
திராவகத்
தீயில்
முற்றும்
உணர்ந்த
ஞானி

உன்னை
கண்ட
நிமிடத்தில்
உடனே
பூக்கிறது
தண்ணீர்
பூக்கள்
என் நெற்றியில்

பார்வை
திருட்டை
பார்த்ததற்க்கு
நீயே கொடுத்த
வெக்கத் தண்டனை
ஒன்றும்
அறியாத
கடிபட்ட - உன்
இதழ்கள்

எல்லாரும்
தொலைந்து
போனதை
தேடுவார்கள்
நான் மட்டும்
கிடைத்ததில்
தேடிக்
கொண்டிருக்கிறேன்

ஜென்ம
வேண்டுதலுக்கு
கிடைத்த
வரமான
அழகிய
சாபம் நீ

இந்த
காதலுக்காகவே
பிறவிகள்
வேண்டும்
வலிகள்
வேண்டும்
வாழ்க்கை
வேண்டும்

-இப்படிக்கு
காதல் பிறப்பால் உயர்ந்தவன்

நீயும் நானும்

2010-09-02T07:07:00.000-07:00

மேகத்தின்
வேர்வைகளை
மரத்தின்
வேர்கள்
உறுஞ்சும்
உன் விழிகளின்
வேகங்களை
என் பார்வை
உறுஞ்சும்

தப்பிக்கப்
பார்த்தாயோ
இல்லை
தப்பிப்
பார்த்தாயோ
சிக்கிக்
கொண்டது
நானல்லவா

உனக்கே
தெரியாமல்
எனக்குள்
வந்து
சில பூக்களை
நட்டு வைத்துப்
போகிறாய்

நடுக்கிய
வகுடும்
இடுக்கிய
பையும்
வெடுக்கிய
நடையும்
சிதறிய
என்
இலக்கணம்

கை எடுத்து
நாடி தட்டி
சாமி முன்
உக்கி
போட்டு
நீ செய்யும்
விரைவு
தரிசனம்
தப்பாமல்
நானும்
உன்னை நோக்கி

யாருக்குத்
தெரிகிறது
இந்த தத்துவம்
உன் பற்று
இருந்ததால்தான்
உன்னை
பின்பற்றி
வருகிறேன்

உனக்கே
தெரியாத
உன் வீட்டின்
மொத்த மாடி
படிக்கட்டுகள்
எழுதாத
நீ வீசி
எறிந்த பேனா
அடிக்கடி
நீ ஒதுக்கி
விடும் முடிக்கற்றை
எனக்குத்
தெரியும்

என்னை
எப்போதாவது
கண்டிப்பாக
உனக்குத்
தெரியும்
என்ற
நம்மிக்கையில்...

-இப்படிக்கு
உனக்கு மட்டும் தபால்காரன்

இது ”A" கவிதையல்ல

2010-07-15T06:20:00.000-07:00

யாவரின்
சுகமான
நேரம்தான்
நித்திரை
பலரின்
தூக்கத்தை
கெடுத்தது
நித்தி வந்த
திரை

தலையிலே
முண்டாசு
கழுத்திலே
ருத்ராட்சை
மடியிலோ
திராட்சை

ஆன்மீகம்
சொல்லும்
பெண்முகம்
அரவணைப்பில்
கம்பீரம்
போய்விட்டது
உன் தரம்

எரியிற
தீயில்
கண்மூடி
தியானம்
தவம் கலைந்து
கதவை
மூடி
ஞானம்

பித்துக்கு
வாக்குச்
சொல்லும்
நித்து
இப்போ
எங்கே
போச்சு உன்
சத்து

நிம்மதியை
தொலைத்தவந்தான்
அங்கே
வருகிறான்
நீ போட்ட
களியாட்டத்தால்
நொந்து
போய்கிறான்

நீ ஒரு
படைப்பாளிதான்
பிரசங்கம்
நடத்தினாயோ
பிரசவங்கள்
நடத்தினாயோ

ரஞ்சிதாவின்
நாயகனே
நாறிப் போய்விட்டாய்
இனி நீ
செண்டு
போட்டு
நடந்து
வந்தாலும்
செத்த
பிணம்தானே

இப்படிக்கு
-இனிமேல் காவி நிறத்தில் ஆடை அணியாதவன்

காதல்னா சும்மாவா?

2010-07-09T06:26:00.000-07:00

நிறைய
சந்தோஷங்கள்-
எனக்கு
என்பது
நமக்கான
பிறகு

விழி
கோர்க்காது
காய்ந்து
போனது
கண்கள்
மட்டுமல்ல
கனவும்தான்

விரல்
கோர்க்காது
சோர்ந்து
போனது
கரங்கள்
மட்டுமல்ல
நினைவும்தான்

உன்
தலை படாமல்
தாழ்ந்து
போனது
தோழ்கள்
மட்டுமல்ல
வாழ்வும்தான்

நீ சிந்திய
வெளிச்சப்
பூவில் தேன்
தேடும்
தேனீ
நான்

உன்
விழிகள்
போடும்
பந்தை
பாய்ந்து
பிடிக்கும்
தோனி நான்

நான்
அணு அணுவாய்
ரசிக்கிறேன்
காரணம்
உன் கண்கள்
பொக்ரான்கள்

நீ மெளனித்த
போது
உதடுகள்
மோதி
இடி இடித்தது
என் இதயத்தில்

உன்
இதமான
காதலால்
சுகமான
ஒரு
பிறவி...

இப்படிக்கு
- மூன்றெழுத்தில் மூச்சை வைத்தவன்

இனி நடராஜாதான்!

2010-06-28T06:37:00.000-07:00

வளைகுடாவில்
பிறந்த
வெளிநாட்டு
மருமகள்
இந்தியாவில்
புகுந்தாள்
இடியாக

பிறக்குமிடம்
மதிக்கவில்லை
இவள்
புகுந்த இடம்
இன்னும் இவளை
மறக்கவில்லை

மாடு விலை
முப்பது
என்றால்
சாட்டை விலை
அறுபது
சாட்டயாய் வரி
மாடாய்
வெள்ளை
மருமகள்

பேரல்தான்
தூறல் போட்டு
இப்போது
காரமாய்
பேரம்
பேச வைக்கிறது

தினம்
தினம் ஒரு
விலை
இதனால்
எங்கள் நிம்மதி
கொலை

இவள்
புகுந்தாள்
வண்டி விளையாடும்
இவளுக்கு
வாழ்க்கையே
விளையாட்டாய்

குதிரையேற்றம்
யானையேற்றம்
உற்சாகம்தானே
உன்னால்தானே
இந்த தள்ளாட்டம்
காரணம்
விலையேற்றம்

முன்பெல்லாம்
நிம்மதியாய்
ஒரு பயணம்
ஒரு கட்டு
வைக்கோல்
கொஞ்சம்
புண்ணாக்கு

இப்படிக்கு
-மைலேஜுக்காக வெயிட் குறைத்தவன்

செந்தமிழ் தந்த தானம்

2010-06-18T05:09:00.001-07:00

பிறந்து
தவழ்ந்த
போதும்
தத்தி
நடந்த
போதும்
அடையவில்லை
ஏதும்
அடைந்தேன்
பிறவிப்
பயனை
தமிழை
பருகும் போது

விருந்துக்கும்
மருந்துக்கும்
வந்தாரை
வாழவைக்கும்
அழகிற்க்கும்
தங்கத்
தரணியே
சொக்கி
நிற்கும்

சங்கம்
வளர்த்த
நாடே
தமிழால்
அங்கம்
குளிர்ந்த
நாடே

வாழ
ஆரம்பம்
பிராட்டி
ஆத்தி சூடியாய்
வாழ்க்கைக்கு
வள்ளுவர்
ஈரடி குறளாய்
தந்தது
நம் தழித்தாய்

கண்ணிற்க்கு
கருவிழி
ஆதாரம்
கன்னியருக்கு
சிலப்பதிகாரம்
இதை நமக்கு
தந்தது
தமிழ் மொழி
தானம்

உயிர்
மூச்சிலே
கலந்தும்
செஞ்சோற்றிலே
பிசைந்தும்
பண்பாட்டிலே
கலந்தும்
அள்ளிப்
பருகுவோம்
என்றும்
அன்னைத்
தழிழை

என்றும்
வாழ்க தமிழ்
வாழிய
தமிழர்கள்
செழிக்கட்டும்
தமிழ் நாடு

பள்ளி மடல்

2010-06-14T22:25:00.000-07:00

பரிட்சையில்
பாஸுன்னு
மகனுக்கு
பள்ளி மடல்
எனக்கு
முன்னரே
வந்தது
கட்டண மடல்

சமச்சீராம்
கலர் கலராய்
புத்தகங்கள்
சம்மட்டி
அடியாய்
கட்டணங்கள்

ஒன்றாம்
வகுப்பு
ஓறாயிர
விளக்கங்கள்
கொட்ட கொட்ட
எழுத்தில்
கட்டணங்கள்

குதிரையேற்றம்
நீச்சல்
குருப் டான்ஸ்
சோலே நடனம்
கிடார்
மிருதங்கம்
பக்க வாத்தியங்கள்
பக்காவாய் கட்டணங்கள்

பள்ளி நிதி
பருவ நிதி
பாடங்கள்
எடுக்க நிதி
சாப்பாட்டு
கட்டண நிதி
இதுக்கெல்லாம்
ஏது நீதி

ஒத்தையிலே
போகையிலே
கத்தி காட்டி
மிரட்டுவது
போல்
ஜுன் மாசம்
வந்தாலே
ஜீரம் வருது
சாமிகளே

கரங்களிலே
கசங்கிய
கரன்சி
கட்டி
பில்லு கேட்டா
பல்லு போகுதே

பொதி மூட்டை
சுமக்கும்
பிள்ளையே
நீ நிமிரத்தான்
தாங்கி கொண்டேன்
இந்த
தொல்லையே

இப்படிக்கு
-பிள்ளை பெற வேண்டாதவன்

தீயும் பனியும்

2010-04-21T05:09:00.000-07:00

காதல்
ஒன்று
மட்டும்தான்
தீயையும்
பனியையும்
ஒரே நேரத்தில்
திங்கச் சொல்கிறது

நம் விழிகளுக்கு
விருந்து
வைக்க வேண்டும்
அவைகள்தானே
வழி திறந்து
விழி மோதச்
செய்தது

கேள்விகளும்
விடைகளும்
நமக்குள்
தினமும்
பார்வைகளாலே

சந்திக்கும்
வேளைகள்
நமக்கு
சுப முகூர்த்தங்கள்
அதனாலேயே
தினமும்
விருந்து
படைக்கின்றன
இதயங்கள்

இந்த
காதல்
நம் பருவ
வானில்
வந்த
துருவ நட்சத்திரம்

வாழ்க்கையில்
வசந்தங்களின்
கையெழுத்து
நாமிருவரும்
எதிரெதிரே
தோன்றும்
போது

என்
ஐந்து
விரல்களின்
இடைவெளியை
உன் விரல்கள்
நிரப்ப
பற்றிக் கொண்டது
நம் காதல்

என்னிலிருந்த
உன்னையும்
உன்னிலிருந்த
என்னையும்
காட்டி
நம்மை
படைத்துச் சென்றது
இந்த காதல்

இப்படிக்கு
-நாமிருவரும்

காதல் பசி

2010-04-04T23:41:00.000-07:00

நிறைய
தடவை
கொள்ளை
போயிருக்கிறேன் - உன்
கொஞ்சும்
விழிகளால்

உன்னை பாராமல்
நிலையாக
நிற்கத்
திரணியில்லாமல்
தடுமாறுகின்றன
எனது கால்கள்

வழியில்
உன்னை
காணாது
அழுது
புரண்டு
கெஞ்சுகின்றன
எனது விழிகள்

உன்னை
எப்போதும்
பருகத்
தயாராய்
இருக்கின்றன
எனது பரிதாப
பார்வைகள்

உன் கைவிரல்
கோர்க்காது
காய்ந்து
கிடக்கின்றன
எனது கைகள்

நீ சாயாது
வெற்றுத்
தரிசாக
வெம்பிக் கிடக்கிறது
என் நெஞ்சம்

உன் குரல்
கேட்காமல்
சிதலமடைந்து
போயிருக்கிறது
என் செவிகள்

உன்
பெயர்
சொல்லாது
இறுகிப்
போயிருக்கிறது
என் இதழ்கள்

மொத்தத்தில்
உன் நிழல்
விழவில்லை
நிஜமாகவே
இடிந்து
போயிருக்கிறது
என் இதயம்

-இப்படிக்கு
காத்திருப்பவன்

விழுந்து விட்டேன்

2010-03-08T23:32:00.000-08:00

நீ
சிலந்திதான்
ஆனால்
இந்த வலை
நானே விரித்து
நானே விழுந்து
கொண்டது

சாகத்
தயாராய்
இருக்கின்றன
எனது
சிகரெட்டுகள்
உன் விழி
வீச்சுக்கு

முழுவதும்
நனைந்து
போய்விடுகிறேன்
உன் துப்பட்டாவின்
தூறல்களால்

உன்னை
ஒரு முறை
பார்த்த பிறகு
மறந்து போய்
நின்றேன்
அடுத்தவர்
அறையில்

என் பார்வை
எனும்
கேள்விகளை
திருத்தி
எறிந்து
விடுகின்றன
உன் விழிகள்

தேர்வுகளை
மட்டும்
எழுதிக்
கொண்டு
வருடங்கள்
மட்டுமே
பாஸாகிறது

நுனிக் கரும்பில்
இனிப்பில்லையா
கேட்க
முடியாது
உன்
நகங்களிடம்

திருட்டு
கொடுத்த
நானே
இப்போது
திருடிக்
கொண்டிருக்கிறேன்

-இப்படிக்கு
உன் வலையில் விழுந்தவன்

பிடிக்கும்

2010-03-03T03:38:00.000-08:00

எனக்கு
பிடித்தவைகள்
எல்லாம்
எப்போதும்
உனக்குள்

எனக்கு
பிடிக்கும்
என்னை
சுட்டிக் காட்டிய
உன் விரல்கள்

எனக்கு
பிடிக்கும்
ஓரக் கண்ணால்
என்னை
படம் பிடித்த
உன் கண்கள்

எனக்கு
பிடிக்கும்
வாஞ்சையோடு
தடவிப் போகும்
உன் கூந்தல்

எனக்கு
பிடிக்கும்
என்னை
பார்த்து
திரும்ப
உதவிய
உன் கழுத்து

எனக்கு
பிடிக்கும்
என்னை
நோக்கி
செலுத்திய
உன் கால்கள்

எனக்கு
பிடிக்கும்
என் பெயர்
சொல்ல
உதவிய
உன் உதடுகள்

எனக்கு
எப்போதும்
பிடிக்கும்
என்னை
நினைத்து
கொண்டிருக்கும்
உன் மனதை

இப்படிக்கு
-எனக்குள் இருப்பவளின் உரிமையாளன்

உனக்குள் புதைந்து போனவன்

2010-02-18T09:20:00.000-08:00

என்
எண்ணங்கள்
மூலம்
உன், என்
நிழற்படங்கள்

என்
இதயத்தை
சுருட்டிவிட்டாய்
அதனால்தான்
இந்த இமேஜில்
சுருக்கங்கள்

இணைந்த
இதயங்கள்
பேசுவதால்
இங்கு
இதழ்களுக்கு
மூடு விழா

இதய வரிகளை
இடைவிடாது
வாசித்து
சிவந்து
போனது
உன் இதழ்கள்

நீ விடும்
காதல்
மூச்சை
சுவாசித்தே
இறுகிப் போனது
என் இமைகள்

என்
தலைவிதி
சூரியக்
கதிர்களை
தேடிக் கொண்டிருக்கும்
உன் இமை
பூக்கள்

பட்டுப்
போன
என் நினைவுக்
கம்பிகளை
மீட்டிக் கொண்டிருக்கும்
உன் விரல்கள்

உன்னில்
அடங்கி
இருக்கிறேன்
என்றும்
உனக்குள்
புதைந்து
போகின்றேன்

-இப்படிக்கு
உன்னால் உயிர் பெற்றவன்

காதலித்(தேன்)

2010-02-16T22:07:00.002-08:00

உன் விழி
படிக்கட்டில்
பயணிக்கிறேன்
உன் பார்வை
அறிந்தும்
அறியாமலும்

உன் கிட்டப்
பார்வையால்
கெட்டுப்
போயிருக்கிறது
என்
இதயம்

தினமும்
உன்னை
கண்டவுடன்
என் விழிகள்
மேயந்து வர
கிளம்புகிறது

வீழ்வதும்
எழுவதும்
தொடர்கின்றன
நாமிருவரும்
விழிகளால்
மோதும் போது

எதிரெதிர்
துருவங்கள்
ஒன்றையொன்று
ஈர்க்கும் தத்துவம்
உண்மையாகிப்
போனது
நம் புருவங்களால்

உன் இதழ்கள்
பிரிந்து
சேர்ந்து
வார்த்தைகளாகி
வந்து
என் இதயத்தை
காய வைக்கிறது

உன்
கூர்மையான
கூந்தலை
பார்க்கும் போது
சில சமயம்
குருடாகி விடுகிறது

தினமும்
ஊனமாகிப்
போகிறேன்
உன்
நடை அழகை
பார்த்து

சில சமயம்
விரதமிருக்கின்றன
எனது விழிகள்
ஜன்னலோரம்
உன்
விரல்கள் காணாது

தேனென்றால்
வண்டு
பூவை
சுற்ற வேண்டும்
நீ வேண்டுமென்றாலும்
நானும்...

இப்படிக்கு
-உன் கடைகண்ணால் ஆசிர்வாதிக்கப்பட்டவன்

தேவைதான் இது எனக்கு!

2010-02-10T22:27:00.000-08:00

நீ
சிந்துகின்ற
பார்வையை
எண்ணி
சிலிர்த்துப் போனது
என் மனது

நீ துடைத்துவிட்ட
வேர்வை
துளிகள்
இப்போது
எனக்குள்
முளைத்துவிட்டன

உன் கண்கள்
எனும் தீக்குச்சி
எப்போது
என் பார்வை
பட்டு
பதத்துப் போகும்

நீ உன்
கை பதித்த
இடங்களின்
கை ரேகைகளை
நகலெடுக்கும்
நான் ஒரு
குற்றவாளி

உன் வரவுக்காக
கடைகளும்
என்
கடைக் கண்ணும்
காத்திருக்கின்றன

என் வார்த்தைகளை
தடுக்கின்றன
உன்னால்
ஊனமாக்கி
ஒதுக்கப்பட்ட
உன்
காதோர
முடிக் கற்றைகள்

கோபமோ
முறைப்போ
வசவோ
கசந்த
வார்த்தைகளோ
இதில்
ஏதாவது ஒரு
ஆயுதத்தை
எய்து விடு

திரும்பிப் பார்ப்பது
தீய பழக்கமல்ல
இதை
தினமும்
சொல்கிறேன்
உன் பின்னால்
வந்து

நாள் முழுவதும்
உன் மீது
போர்
தொடுத்து
என்னை
சிறை கொடுக்கிறேன்

வழக்கமில்லை
வருந்துவதற்க்கு
இந்த வலிகள்
வேண்டும்
உன்னோடு
வாழ்வதற்க்க

- இப்படிக்கு
நிராயுதபாணி ஆனவன்

போர்க்களம்

2010-01-18T04:49:00.000-08:00

தினமும்
இரவில்
அதுவும்
கனவில்
களம்
காண்கிறேன்

விடியலில்
நீ விதைத்த
காலடி
விதைகளுக்கு
தினமும்
நீருற்றுகிறேன்

நீ கைவீசி
நடந்து
விட்டுச் சென்ற
இடத்தில்
இளைப்பாறுகிறேன்

எதிரே தூசிக்
காற்று
வந்தது
கண்களை
மூடிக் கொண்டாய்
பிறகு ஏன்
நான் வரும்
போதும்...?

நீ பார்வை
இடும்
இடங்களில்
நிறைய
தடவை
என்னை
வலுக்கட்டாயமாக
திணித்திருக்கிறேன்

உன் யதேச்சையான
விழிக் கதிர்கள்
கூட
என் மேல்
விழாதவாறு
மிகக்
கவனமாய் நீ

எனது
இதய செல்
உன் பார்வை
எனும் சிக்னல்
இல்லாமல்
செயலிழக்கிறது

நிமிர்ந்த நடை
நேர் கொண்ட
பார்வை
சில
சமயங்களில்
நீ பாரதியை
மறந்து போக
வேண்டும்

உனக்குத்
தெரியாமல்
ஒற்றை
ஆளாய் உன்னுடன்
போரிட்டுக்
கொண்டிருக்கிறேன்

நேருக்கு
நேர் - நீ
என் விழி
மோதி
நாமிருவரும்
போர்க்களம்
காணும் நாள்
வெகு தொலைவில்
இல்லை

-போரில் புறமுதுகு காட்டாதவன்

விளையாடாமல் ஒரு ரன் அவுட் !

2009-11-16T06:44:00.000-08:00

பெயரோ
”தாக்ரே”
வார்த்தைகள்
தடித்து
இப்போது
தாக்குதே

நீங்களே
பந்து
போட்டு
விழுந்து
விட்டது
உங்கள்
விக்கெட்டு

முந்தின
தேர்தலில்
முக்காடு-வரும்
தேர்தலில்
எதிரொலிக்கும்
இந்த
நாவடு

தப்பான
வார்த்தகளை
விட்டு
நீங்களே
உங்களுக்கு
வைத்தது
இந்த
வேட்டு

எங்கள்
சச்சினின்
புகழும்
மட்டையும்
ரொம்ப
வெயிட்டு
உங்கள்
அரசியல்
வாழ்க்கைக்கு
விரைவில்
வரும்- பெரும்
பூட்டு

சச்சினுக்கு
இல்லை
ஹெட் வெயிட்டு
தாக்ரேவே
நீ
இந்தியனா
என்று
காட்டு?

இப்படிக்கு
- அம்பயர்

உனக்குள் நான்

2009-11-13T21:34:00.000-08:00

யுத்தமில்லை
இரத்தமில்லை
ஆராத
காயமானது
எனக்கு
உன் ஆயுத
விழிகளால்

நீ சுடவுமில்லை
எரிக்கவுமில்லை
ஆனால்
சாம்பலானது
என்
மனது

நீ தூண்டிலிடவில்லை
வலை விரிக்கவிலை
அனால்
உனக்குள்
சிக்கிக் கொண்டது
நான்

நீ தொலைக்கவில்லை
தேடவில்லை
ஆனால்
கண்டறியப்பட்டேன்
நான்

நீ எழுதவில்லை
அடித்து
திருத்தவில்லை
உன்
பெயருக்குப் பின்னால்
என் பெயர்

நீ பேசவுமில்லை
சிரிக்கவுமில்லை
ஆனால்
அடிக்கடி
உன்
உதடுகளுக்கிடையே
நான்

நீ பயணப்படவில்லை
பழக்கமாகவில்லை
ஆனால்
பணயமானது
நான்

நீ சுட்டிக்காட்டவில்லை
தேர்ந்தெடுக்கவில்லை
உன்னை
அறியாமல்
உனக்குள்
நான்

இப்படிக்கு
-உன் விழிகளால் தேடப்படுபவன்

அபூர்வ சகோதரர்கள்

2009-11-08T19:46:00.001-08:00

தலை படம்
போடாமல்
விழா
அதானால்தான்
ரெட்டிகளுக்கு
சுரங்கம்
நடத்த
வந்தது
தடா

உருவானது
கோஷ்டி
உருட்டப்பட்ட
தலைகள்
பறந்தன
அறிக்கைகள்

இந்த
கடத்தல்
கொஞ்சம்
வித்தியாசம்தான்
கடத்தப்பட்டவர்கள்
ஸ்டார் ஓட்டல்களில்

ஆட்சி
முடிய
சில மணித்துளிகள்
அதனால்
தலைவரின்
கண்களில்
கண்ணீர்
துளிகள்

விஜய் டீவியின்
நீயா நானாதான்
நடுவராக
சுஷ்மா
அதுதான்
சுவரஸ்யமே

மக்களுக்காக
வந்த
கூட்டத்தை விட
இந்த
அக்கப்போருக்காக
வந்த கூட்டம்
அதிகம்

பிறகென்ன
இருவருக்கும்
கடைசியில்
நம்ம கட்டிப்பிடி
வைத்தியம்தான்

இப்படிக்கு
வைத்தெரிச்சலுடன்

- நல்ல ஒட்டு போட்டவன்

காதலின் மரணப்பிடியில்

2009-11-07T05:18:00.000-08:00

நிறைய
தேங்குகின்றன
உன் நினைவுகள்
என்
நினைவலைகளில்

நிறைய
ஒப்பந்தம்
செய்து கொண்டாய்
என்னை
பாராமலிருக்க
உன் மனத்துடன்

அம்புகளை
எய்துவிட்டு
அமைதியாகிவிடுகிறது
உன் விழிகள்
ஆனந்தமடைகிறது
என் மனது

தூக்கத்தில்
நடப்பவனை
கேள்விப்பட்டிருப்பாய்
அனால்- நான்
உன் நடையால்
தூக்கம் கெட்டு
அலைகிறேன்

கடல் அலை
பார்த்து
பயந்ததில்லை
நான் - ஆனால்
உன் கடைக்கண்ணின்
அலை அடித்து
அதிர்ந்து
போயிருக்கிறேன்

காற்று பட்டு
சிவந்து
போன உன்
கன்னங்களை
பார்த்து
நான் நிறையவே
காயம்பட்டிருக்கிறேன்

உன்
ஒற்றைச்
சுருள் முடியில்
என்னை எப்போதோ
முடிந்து விட்டாய்
தன்னை
அறியாமல்

என்
திருட்டுப்பார்வை
வேகத்தை
ஜீரணிக்க முடியாமல்
என்
காதல் மரத்தின்
சில
கிளைகளை
வெட்டிச் சென்றாய்

நம்
காதல்
மரத்தின்
வேரில் - நீ
நீரூற்றும்
நாள்
வெகு தொலைவில்
இல்லை

இப்படிக்கு

- பசுமையான வேர்

ஒரு மோதிரம் இரு கொலைகள்

2009-11-07T02:39:00.000-08:00

சமீபத்தில் கிழக்குப் பதிப்பகம் வெளியிடும் ”ஒரு மோதிரம் இரு கொலைகள் ” நாவலை படிக்க நேர்ந்தது.

கதை சுருக்கம் :-

கொலை நடக்கிறது அதை துப்பு துலங்க வருகிறார் ஷெர்லாக், அதன் பின் மீண்டும் ஒரு கொலை நடக்கிறது, அதை தன் திறமையால் எப்படி கண்டறிகிறார் என்பதே ”ஒரு மோதிரம் இரு கொலைகள் ”

விமர்சனம் :-

நம் தமிழ் நாவல்களை படித்தவர்கள் எளிதாகவும், புதிதாக நாவல் படிப்பவர்கள் சற்று பொறுமையாக படித்தால், அனைவருக்கும் ஆனந்தம் தரும் இனிய நாவல் இது. முதலில் நான் ஆங்கில நாவலே படித்ததில்லை (சற்று புரியாது). இந்த நாவலை அருமையாக மொழிபெயர்ப்பு செய்துள்ள பத்ரி சேஷாத்திரி அவர்களுக்கும், வெளியிட்ட கிழக்குப் பதிப்பகத்தாருக்கும் நன்றிகள்.

நறுக்குத் தெரித்த வசனங்கள், அமைதியான அறிமுகம் என ஆரம்பிக்கும இக்கதையில் வர்ணனை மற்றும் கதை செல்லும் பாங்கு ஓர் ஆங்கில படத்தை நேரில் பார்ப்பது போன்ற உணர்வை ஏற்ப்படுத்தியது. துப்பறிதலின் எல்லையை காண்பித்துள்ளார்கள், நமக்கு இது ஒரு புதிய பரிணாமம். அதிகம் சிந்திக்கத் தெரிந்த மனிதனின் செயல்களை குற்றத்தை ஆராய்பவராக முதலில் நமக்கு காட்டிவிட்டு கதைக்கான முடிவாக அவரின் மன எண்ணங்களை கொண்டு குற்றத்தை எப்படி கண்டுபிடித்தார் என்று சொல்கிறார்கள்.

அங்கேயும் போலிஸை சந்தோசமாக கிண்டலடிக்கிறார்கள். 18 ம் நூற்றாண்டு கால கதை என்பதால் சுவரஸ்யமாக இருக்கிறது. கொலை நடந்த இடத்தில் மற்றவர்களை தவிர போலிஸ் சாதாரணமாகத்தான் இருப்பார்கள்(நிறைய பார்த்த அனுபவம்) ஆனால் சிரித்துக் கொண்டிருக்க மாட்டார்கள். ஆனால் ஷெர்லாக் சற்று ஆயாசமாக, புன்சிரிப்புடன் கொலையை ஆராய்வதாக வருவது அவரின் தனித்தன்மயை காட்டுகிறது.

தேவையற்ற விசயங்களை புத்தியில் ஏற்ற வேண்டாம் என்பதின் விளக்கம் கதையில் போகப் போகப் புரிகிறது. கொலைக்கு காரணமானவர்களின் சிறிய வட்டத்தை கூட ஷெர்லாக் அதிகம் அலட்டவில்லை. ஒரு மனிதனின் காலடித்தடங்களை வைத்து அவனது உயரத்தைக் கூற சற்று அனுபவம் வேண்டும். மேலும் குதிரையின் காலடித்தடதை வைத்து அதன் லாடங்களை பற்றிச் சொல்லியிருப்பது புதுமை.

ஷெர்லாக் கொலைக்கான காரணத்தை ஆராயும் போது ஏற்படும் சிறு கோபம், ஏமாற்றம் அதை பற்றி அவர் பெரிதாக அலட்டிக்கொள்ளாமல் இருப்பது, சோர்ந்து போகாமல் வேலையை தொடர்வது நமக்கு ஒரு படிப்பினை. அதிர்ஷ்டவசமாக கொலைகாரனை கண்டுபிடித்ததாக அல்லாமல், அதற்க்காக அவர் மெனக்கெட்டிருப்பது அவரின் இரண்டாம் பாகத்தில் தெரிகிறது.

இரண்டாம் பாகம் :-

கொலைக்கான காரணத்தையும், அதை கண்டுபிடித்ததை ஒரிரு பக்கத்தில் முடிக்காமல் கதையின் அடி வேர் வரை தொட்டிருக்கிறார். பின் பகுதியில் அனைத்து விசயங்களையும் சொல்வதர்க்கு அதிக பக்கங்கள் எடுத்த இடத்தில் காதலுக்கு சற்று அதிகப்படுத்தி இருந்தால் இன்னும் நன்றாயிருந்திருக்கும். ஆனாலும் இதில் வாசகர்கள் திருப்தி அடைய நிறைய விசயங்கள் உள்ளன. பழிவாங்கும் உணர்சியை சற்று ஆழமாக அதற்க்கான காரணங்களை ஆணித்தரமாக சொல்லப்பட்டுள்ளது.

ஒரு மனிதனின் வாழ்நாள் சந்தோசமாக எண்ணியது கிடைக்கவில்லை என்றால் அதற்க்காக அவன் தன் வாழ்நாளையே பணயமாக வைப்பது அரிது. என்னை பொறுத்தவரை கதையில் இரண்டு நாயகர்கள் ஒவ்வொரு பாகத்திலும்.

முடிவு :-
நல்ல கதை எந்த மொழியானாலும் பாரட்டியே தீரவேண்டும், அந்த வகையில் இந்த நாவல் ஒரு பொக்கிஷம். ஆனால் சில பேர் தங்களுடைய விமர்சனங்களில் தமிழ் நாவல் எழுத்தார்களை குறை சொல்லியிருப்பது ஏற்க்கக் கூடியதல்ல.

மொத்தத்தில் இந்த நாவல் நல்ல ஒரு வித்தியாசத்தை பூர்த்தி செய்து மன நிறைவத் தரும் என்பதில் சந்தேகமே இல்லை. வாய்ப்பை ஏற்படுத்திக் கொண்டு படித்து மகிழுங்கள்.

ஒரு மோதிரம் இரு கொலைகள்
ஆர்தர் கோனன் டாயில்,
தமிழில்: பத்ரி சேஷாத்ரி
விலை: ரூபாய் - 120
வெளியீடு: கிழக்கு பதிப்பகம்
புத்தகத்தை வாங்க: http://nhm.in/shop/978-81-8493-142-6.html