வெள்ளம்

தண்ணீர் பஞ்சம்

இன்று தண்ணீரால்

அனைவருக்கும்

பஞ்சம்

தேர்தல் பந்திக்கு

முந்தும்

அமைச்சர் படை

வெள்ள சகதிக்கு

பிந்துவது இயற்கைதானே

மழை பெய்வதால்

தண்ணீர் பாக்கெட்டுகள்

மிஞ்சமாகிறது

டாஸ்மாக்கில்

கிழே விழுந்தால்

தூக்கி விடாதவர்களை

என்ன செய்ய முடியும்

அதுபோலத்தான்

இப்போதும்

பார்த்து சாப்பிடுங்கள்

ரொட்டியை

பிஸ்கட்டை

பழங்களை

படத்துடன் அல்ல

படம் போட்டு

வாங்கி பழகிக்

கொண்ட நாமும்

பதறாமல் வாங்கி

வைத்துக் கொள்ளத்தான்

வேண்டும்

நம் வீடை

சுத்தம் செய்ய

அடுத்தவர்

தயவெதற்கு

உழைப்பெதற்கு

சட்டம் கூட

சத்தமாகத்தான்

சொல்லுது

அம்மா அப்பாவை

அனாதையாய்

விட்டால் கைது

அவர்கள்

நம்மளை தாராளமாய்

கைவிடலாம்

நமக்கு நாமே

மக்களுக்குக்காக

நாம் – இப்படி

எல்லா வார்த்தைகளும்

அரசியலாகிப்போனது

”தன் கையே

தனக்கு உதவி”

இது கொஞ்சம்

பழைய சோறுதான்

ஆனால் உடம்புக்கு

நல்லது

மனதில்

உறுதி வையுங்கள்

திடமாக எழுங்கள்

-இப்படிக்கு 

மழை வந்தால் குடை பிடிக்க முடியாதவன்

தமிழ்த்தாய்க்கு தலைமகனார்

தமிழ்த் தாய்க்கு
தலைமகனார்
தன்னிகரில்லா
மக்கள் தலைவரானார்

தமிழில் அரிச்சுவடி
வளர்சியில்
அறிவியல்படி
இவரால் உயரப்
பறந்தது இந்தியக் கொடி

வேலைக்காக
வெளிநாடு
செல்லும் போதையில்
விஞ்ஞானத்தை
காட்டி அஞ்ஞானம்
அகற்றிய அற்புதர்

கனவென்றாலே
இயலாமை
அதை களம்
கட்டி இழுத்ததால்
இந்திய இளைஞர்களை
கண்டு வெளிநாடுகள்
பொறாமை

சாதித்த பிறகும்
கூட போதிப்பில
போக ஒரு மனம்
வேண்டும்
பிள்ளைகளுக்கு
ஆசானாய்...
தகப்பனாய்...
தோழனாய்...

கடைக் கோடியில்
உதயமாகி
கண்ணியராய்
வாழ்ந்து
நாட்டுக்கு
உழைத்து
உத்தமரானார்
மக்கள் மனதில்
உரமானார்...

-அய்யா வாழும் போது வாழ்ந்த பெருமை பெற்றவன்

காதல் செய்ய விரும்புகிறேன்

எத்தனை
பேரை பார்த்திருப்பேன்
அத்தனை
பேரிலும்
உன் முகம்
தெரிந்த நாள்தான்
எனக்குள் காதல்
அறிந்த நாள்

பதிலை
வைத்துக் கொண்டு
கேள்விக்கு
அழைந்தது
பல நாட்கள்
என்னை பார்த்தது
நீ சில நாட்கள்

தினமும் இந்த
கடிகார முட்கள்
மட்டும்தான்
ஒவ்வோரு நொடியும்
என்னுள்
தைத்துக் கொண்டும்
ஓடிக் கொண்டும்
இருந்தது

உப்புக்கு காரம்
உறவுக்கு பாலம்
நட்புக்கு நண்பன்
காதலுக்கு
துணைவன்
அவனேதான்

காதலை
இப்பக்கம்
ஏற்றியும்
அப்பக்கம்
இயற்றியும்
வைத்த
வல்லல்கள்
நமது நண்பர்கள்

அண்ணாச்சி
கடையும்
அம்மா கொடுத்த
வேலைகளும்
நம்மை ஊன்ற
வைத்த ஏணிகள்

ஈசியாய்
சொன்னார்கள்
பஞ்சும் நெருப்புமென்று
பத்த வைக்கத்தான்
ஆகிறது
பல நாட்கள்

பஸ்ஸில்
தியேட்டரில்
முதலில்
தேடுவது
நமக்கு தெரிந்த
முகமா?

காத்திருப்பதில்
கால நேரம்
பார்த்ததில்லை
உன்னை
கரம் பிடிக்காமல்
இருக்கப் போவதுமில்லை

இப்படிக்கு
- காதலை நே(சுவா)சிப்பவன்...










 

அலைகள் ஒய்வதில்லை

கண்டும்
காணாது
நீ செல்ல
ஒவ்வொரு
நாளும்
பிறந்து
நிற்கிறேன்
உனக்காக

முடியழகை
பார்த்து
நிற்ப்பாய்
என சீவி ஒருநாள்
மறு நாள்
சீவாமல்

மீசையிலே
ஆசை வைப்பாய் என
விண்ணை பார்த்து
ஒரு நாள்
மண்ணை பார்த்து
மறு நாள்

சட்டையை
சட்டை
செய்வாய் என்று
தேய்த்து
ஒருநாள்
தேய்க்காமல்
கசங்கி
மறு நாள்

நீ வரும்
பஸ்ஸில்
பேச்சிலே
வசப்படுவாய்
என பட்டிமன்ற
பேச்சாளாராய்
ஒரு நாள்
மறு நாள்
ஊமையாய்

வேட்டி
பிடிக்கும்
என்று
விவசாயியாய்
ஒரு நாள்
சாப்ட்வேர்
என்ஜினியராய்
மறுநாள்

இத்தனை
செய்தும்
தெரிந்து
கொள்வேன்
கவனமாக
உனக்கு
எது பிடிக்கும்
என்று

எதனை
செய்தால்
பிடிக்கும்
என்று சொல்லிவிடு
என்னவளே
என்னை
பிடிக்கும் என்று

கடல் நீர்
தீர்ந்து போகும்
கண் விழியே
என்றும்
தீராது உன் மேல்
என் காதல்
அலைகள்

இப்படிக்கு
- கஜினி முகம்மதுவின் அண்ணன்